ნაპოლეონი და ამერიკა

1799 წელს, როდესაც ნაპოლეონი საფრანგეთის პირველი კონსული და საფრანგეთის, ფაქტობრივად, ერთპიროვნული მმართველი გახდა, ამერიკის შეერთებული შტატებსა და საფრანგეთს შორის დიპლომატიური ურთიერთობა უკვე ორ ათეულ წელზე მეტს მოითვლიდა. ფრანგები ამერიკელებს ჯერ კიდევ დამოუკიდებლობის ომის დროს ეხმარებოდნენ და მნიშვნელოვანი წვლილიც შეიტანეს მათ გამარჯვებაში ინგლისელებზე; 1783 წელს ბრიტანელებსა და ამერიკელებს შორის ზავი სწორედ პარიზში დაიდო. საფრანგეთის რევოლუციამ ფრანგულ-ამერიკული მეგობრობა საფრთხეში ჩააგდო.

სამხრეთი ჩრდილოეთის წინააღმდეგ (რეცენზია მიხეილ ბარნოვის წიგნზე „რობერტ ედვარდ ლი: დამარცხებული არმიის გამარჯვებული გენერალი")

ამერიკის ისტორიისა და კულტურის შესწავლას საქართველოში არც ისე ხანგრძლივი ისტორია აქვს, თუმცა საბჭოთა კავშირის დაშლის შემდგომ პერიოდში, დამოუკიდებელ საქართველოში, ამ მხრივ მდგომარეობა შედარებით გაუმჯობესდა. ინფორმაციული ვაკუუმიდან გამოსვლის შემდეგ, ეს სფერო ყოველწლიურად კიდევ უფრო ვითარდება და მეტ ადამიანს იზიდავს, რასაც ხელს უწყობს ამერიკის კულტურის, მუსიკის, კინემატოგრაფიის პოპულარობა; პოლიტიკური კავშირები და ა.შ. ამ მხრივ, ყველაზე დიდი გავლენა, ბუნებრივია, ამერიკის შეერთებულ შტატებს აქვს. აშშ-ს ისტორია, დამოუკიდებლობის მოპოვებიდან სამოქალაქო ომამდე, კონტინენტის დასავლეთის ათვისებიდან და დიდი დეპრესიის პერიოდამდე, I და II მსოფლიო ომებიდან ცივი ომის დასრულებამდე, ფართო ისტორიის საგნად ყალიბდება. ერთ-ერთი ბოლო, მნიშვნელოვანი ნაშრომი, რომელიც უკანასკნელ წლებში გამოიცა, არის ქართველი ამერიკანისტის მიხეილ ბარნოვის „რობერტ ედვარდ ლი - დამარცხებული არმიის გამარჯვებული გენერალი"(თბილისი, 2016, 178 გვ.).

ტენოჩტიტლანის ალყა, 1521 წ. 26 მაისი-13 აგვისტო

ტენოჩტიტლანის აღება კოლონიალური ომების პირველი პერიოდის უმნიშვნელოვანესი მოვლენა იყო და საფუძველი ჩაუყარა ცენტრალურ ამერიკაში ესპანელთა გაბატონებას. ესპანელმა თავზეხელაღებულმა თავგადასავალთა მაძიებლებმა და კონკისტადორებმა შეძლეს დაემხოთ კოლუმბის აღმოჩენილი ახალი სამყაროს – ამერიკის – უძლიერესი იმპერია – აცტეკთა სახელმწიფო. ეს ფაქტი მჭიდროდ უკავშირდება ერნან კორტესის სახელს, რომელმაც მექსიკის კოლონიზაციას დაუდო სათავე.

დევიდ გლაზგო ფარაგუტი

დევიდ გლაზგო ფარაგუტი - (David Glasgow Farragut, 5 ივლისი, 1801 წ – 14 აგვისტო, 1870) – ამერიკელი სამხედრო-საზღვაო მოღვაწე, ადმირალი.
დევიდ გლაზგო ფარაგუტის მამა კუნძულ მენორკიდან(ბალეარის ერთ-ერთი კუნძული ხმელთაშუა ზღვაში) მოხვდა ახალ კონტინენტზე, იგი ამერიკის დამოუკიდებლობისთვის მებრძოლი გახლდათ, დედა კი შოტლანდიელი იყო. ომში თავის გამოჩენისთვის დ.გ ფარაგუტის მამამ ნოსკვილის(ტენესის შტატის ქალაქი) მახლობლად მიიღო მიწა, თუმცა მალე გარდაიცვალა.

ომარ ბრედლი

 

ომარ ბრედლი(ინგლ. Omar Nelson Bradley, 1893 წ. 12 თებერვალი, კლარკი, მისური – 1981 წ. 8 აპრილი, ნიუ იორკი) – ამერიკელი სამხედრო მეთაური, არმიის გენერალი(20 სექტემბერი, 1950 წ), აშშ-ს ჯარის ერთ-ერთი ყველაზე მნიშვნელოვანი ხელმძღვანელი მეორე მსოფლიო ომის პერიოდში ჩრდილოეთ აფრიკასა და ევროპაში გამართულ ბრძოლებში. ომის შემდეგ დაიკავა გენერალური შტაბის უფროსის თანამდებობა, ხოლო 1949 წლიდან ამერიკის შეერთებული შტატების შტაბების გაერთიანებული კომიტეტის თავჯდომარე. უკანასკნელი ამერიკელი გენერალი(დღემდე), რომელსაც “არმიის გენერლის” წოდება ჰქონდა(ამერიკის ჯარში უმაღლესი, ხუთვარსკვლავიანი წოდება, ევროპაში და სხვა ქვეყნებში მარშალი ან ფელდმარშალი).